महाकवि देवकोटा क्याम्पसमा एक दिने Public Speaking Training सञ्चालन

विद्यार्थीहरुको बोल्ने कलाको विकास गर्ने उदेश्यले महाकवि देवकोटा क्याम्पस सुनवलमा एक दिने पब्लिक स्पिकिङ्ग ट्रेनिङ्ग सञ्चालन गरिएको छ ।विद्यार्थीहरुको क्षमता अभिबृद्धिका लागि यस्ता खालका कार्यक्रम अनिवार्य जस्तै बन्दै गएकोले क्याम्पसले ट्रेनिङ्गको आयोजना गरेको क्याम्पस प्रमुख नारायण प्रसाद ढकालले बताउनुभयो ।

बोल्ने कलाले जीवन परिर्वतनसँगै बोलेरै जीवन चलाउन समेत सक्ने हुदा हरेक क्षेत्रमा बोल्नुपर्ने भन्दै बोल्ने कला आजको आवश्यकता रहेको क्याम्पस सञ्चालक समिति अध्यक्ष कृष्ण प्रसाद लामिछानेले बताउनुभयो ।

अनुशा नेपालले प्रशिक्षण दिनुभएको कार्यक्रममा वार्षिक सेमेष्टरमा अध्ययनरत करिव १ सय जना विद्यार्थीहरुको सहभागिता रहेको थियो । सो अवसरमा सहभागि विद्यार्थीहरुले तालिम लिन पाउदा आफुले यस तालिमबाट धेरै कुराहरु सिक्न सफल भएको भन्दैब्यवहारमा उतार्न प्रयास गर्ने बताएका थिए । विद्यार्थीहरुले आफुले आफ्नो चिनारी राख्नु पर्छ भन्ने प्रेरणा यस कार्यक्रम मार्फत पाएको पनि बताएका थिए ।